In the News
2010 Archive
- Oct 23. Pierneef se Bosveldbome simbolies van lewe
- Oct 22. Stern lilies in Strauss's highest-value sale
- Sep 18. Maud Sumner die kunstenaar was ook 'n digter
- Sep 10. Welz en die 'vloek van veilings'
- Sep 01. Pierneef Panele by Die Rupert Museum, Stellenbosch
- Aug 28. Pierneef het hom ook skildersvryhede vergun
- Aug 15. Polish your knowledge of jewellery
- Aug 01. Stephan Welz honoured for giving gallery new life
- Jul 27. Delighting and dealing in art
- Jul 26. Auctioneers find prized pieces in Eastern Cape
- Jul 23. Rare art find in EL worth more than R1m
- May 30. Rhodes statue led Welz to success
- May 28. Wêreldrekord van R7,575 miljoen vir Irma Stern-skildery
- May 26. Record price for Stern painting
- May 26. Skildery van Irma Stern behaal nuwe rekordprys
- May 26. Irma Stern-skildery behaal wêreldrekordprys
- May 15. Groot name in SA kuns kom onder hamer
- May 12. Art sale breaks mould
- May 09. Local art in full flower at major sale
Pierneef het hom ook skildersvryhede vergun
August 28, 2010 [ Archived ]
Die geliefde Afrikaanse skilder Jacob Hendrik Pierneef (1886-1957) is bekend om sy werklikheidsgetroue uitbeeldings van veral plattelandse landskappe met plaasopstalle.
Jacob Hendrik Pierneef
Koringlande Agter-Paarl, 1952
Hy het hom soms wel ook kunstenaarsvryhede vergun om ´n meer gebalanseerde landskap op doek te skep wanneer die werklikheid nie so perfek was soos wat hy verlang het nie.
Me. Emma Bedford, senior skilderyspesialis van die oudhede-afslaer Strauss en Kie. van Nuweland, wou onlangs ´n Bolandse plaaslandskap in die distrikte Stellenbosch en die Paarl identifiseer wat in Pierneef se skildery Koringlande Agter-Paarl, 1952, uitgebeeld word.
Die berglandskap daarin het onteenseglik Klapmutskop, Kanonkop en Simonsberg uitgebeeld, asook die Stellenboschberge. In die voorgrond het Pierneef ´n plaasopstal middein koring-en tabaklande uitgebeeld. Sy voorliefde vir mooi geboue het hy gekry van sy vader, Gerrit, ´n meesterbouer en bouaanemer.
Bedford het die skildery ann Mnr. Len Raymond, Bolandse boukundige wat die omgewing daar goed ken, gewys. Hy het ann die hand gedoen dat die skildery op die plaas Uitkyk bo Kanonkop en Nattevallei gedoen is en dat die plaas Warwick ook uitgebeeld word. Maar die plasing van die geboue, die gebrek aan eikebome en die uitgestrekte graanlande het hom aan die presiese ligging laat twyfel.
Bedford het verder gesoek en onder andere die eienaars van Warwick en Joostenberg om hul mening gevra. Oook het sy Google Earth se panorama bestudeer. Die wynskryw-er Tim James en van die plaaseienaars het voorgestel dat sy ook by Eenzaamheid aanklop.
Die soektog het metertyd uitgebrei na Matjieskuil (Hawksmoor Manor), Eenzaamheid van die familie Briers, Hercules Pilaar, Muratie en Hohenfelde. Op Eenzaamheid het Mnr. Christo Briers-Louw en sy vrou, Karina, die geboue in die skildery geëien. “Maar dis nie my berge nie,” het Christo gesê. Die egpaar het Bedford die plaas rondgewys en sy het talle foto's van die geboue en die uitsig geneem. Christo het onder meer die oorspronklike pioniersgebou aan haar getoon. Dit is ´n lang gebou wat ontwerp was om alle aspekte van die plaasbedrywighede te kon akkommodeer van huisvesting tot stalle, ´n melkkamer, tuiekamer, pakkamers, hooiskuur en so meer. Tans dien dit as wynproesentrum en gastehuis.
Bedford het ook vasgestel dat Bolandse boere in die 1950's tabak en graan verbou het. Ná sorgvuldige oorweging het sy tot die gevolgtrekking gekom dat Pierneef die onder skeie elemente van die skildery saamgevoeg het soos wat sy kunstenaarsoog en sin vir balans dit gedikteer het. Alles wat daarin uitgebeeld word, is in ´n hoë mate werklikheidsgetrou, maar die geheelbeeld is uniek.
Die skildery in olieverf op bord, 53 by 84cm, word op R3,5 miljoen gewaardeer. Dit kom op 11 Oktober op Strauss en Kie. se lenteveiling in die Vineyard Hotel, Nuweland, onder die hamer.
